August 16, 2023; Nimin khan East Lungdar police ten hnamdang pahnih kut atangin heroin leh Meth mum sing 5 chuang an man.

Nimin (15.8.2023) khan East Lungdar Police (Serchhip District) Patrolling Party ten rinhlelh vanga lirthei pakhat tidingin, heroin gram 548.15 (hawng 39) leh Methamphetamine Kg 5.32 (mum 50,000) chu MD Ekbal Hussain (21) s/o Mujibur Rahman, Brahman Shasan, Karimganj District, Assam leh Sayad Uddin (27) s/o Abdul Halim, Dasgram, Karimganj District, Assam nia inchhalte kut atangin an man. North Vanlaiphai PS-ah thubuai, 21(c)/22(c)/29/25 ND&PS Act hnuaiah ziahluh nghal a ni a, a thlun zawmpui dangte chhui mek a ni.