August 26, 2023; Hmeichhe naupang kut inthlak thu kal zelah Observation home ah mi 6 dah belh leh an ni.

Serchhip a Lenkawl chanchinbu in a tarlan danin, tunhnaia Social Media lama hmeichhe naupang kum tlinglo kut inthlakna darh chungchang ah thuneitute chuan hma la zui zelin kutthlakna a inhnamhnawiha tel ve nia hriat mi 6 te chu Observation home-ah dah lailawk leh an ni a, heng bakah hian midang pakhat pawh thu zawhfiah tur a la awm nia hriat a ni bawk.

Thuneitute chuan tuna Observation home-a dah te hi counseling te pek an nih dawn thu sawiin, an khawsak phung te en zui zel a ni dawn tih an sawi a, a tul anga an awm zel dan tur pawh la ngaihtuah tur a nih thu an sawi.

He pawikhawihna thleng chungchangah hian hmeichhe naupang kumtling lo pakhat chu Observation home ah dah a lo ni tawh a ni.