ZALEN May 31, 2024 : Hortoki Joint YMA chuan an thu dawn bawhzuiin hma an la a, tukin zing khan Hortoki Tlawng kai atanga Kilometer 7 vela hlaah hmeichhe naupang ruang an chhar.

Hortoki Joint YMA te hian Mualkhang atangin Tlawng lui-ah hmeichhe naupang ruang an hmuh thu an dawng a, an thudawn bawhzui hian Tlawng Lui-ah Lawng pahnih hmangin an thawkchhuak nghal a, ruang hi Hortoki atanga Tlawng kai atanga Kilometer 7 velah an han hmu ta a ni.

He thu buatsaih lai thleng hi chuan ruang hian Hortoki a la thleng lo a, tunge a ni tih pawh an la hre lo a, ruang hi Melthum leimin-a hmeichhe naupang ruang an la hmuh loh kha nia ngai te pawh an awm a, mahse, inbiakpawhna erawh an la nei lo tih Hortoki VCP Hmingthanfela chuan ZALEN a hrilh.