Aizawl July 12, 2024 : ASF hrileng-in ziaawm lam a la pan theih meuh lo a, Aizawl Lunglei, Serchhip leh Kolasib-ah te vawk thi 129 a awm leh a. vawk suat 299 a awm bawk a, ti hian vawiinah vawk 428 an thi leh a ni.

Aizawl district chhunga Veng panga ah vawk thi a awm leh a, Lunglei Luangmual-ah vawk pakhat a thi a, Serchhip district-ah khua/veng pariat-ah vawk thi an awm a, Kolasib district-a Kawnpui khua-ah vawk sawm an thi a, vawk thi hi 129 an ni.

Aizawl district-ah veng/khua 14-ah Vawk suat zat 136 an tling a, Serchhip district-ah veng/khua 16-ah vawk suat leh a ni a, suat zat hi 131 an tling. Kolasib-a Kanpui-ah vawk 9 suat a ni a, Khawzawl district-ah Khawhai leh Chalrang-ah vawk 23 suat a ni bawk.

January atanga vawiin thleng hian Mizoram-ah ASF avanga vawk thi hi 5688 a tling tawh a, suat tawh zat hi 10853 an tling tawh a, khua/veng 165 he hri hian a luhchilh tawh a ni.