Khawvela thilnung zawng zawng hian ni eng kan mamawh ti ila kan sawi sual awm lo e. Tlai leh hnimte hian ni eng hi chaw siam nan an hmang a, ramsa leh thilnung dangte pawhin damkhaw chhuah nan an mamawh - mihringte pawhin hrisel nan ni eng hi kan mamawh. 

Khawvel a changkang zel a, hnathawh dan phung pawh a danglam chho zel. Mi tam zawk chuan daihlim hnuaiah hahdam takin hna an thawk tawh, hetiang a nih mek lai hian mithiamte chuan taksa hriselna atan ni sa kan mamawh tih an sawi. Ayurveda expert Dr. Dixa Bhavsar chuan zing ni chhuak leh tlai ni tla lam chu taksain a ngeih zual bik tih a sawi. 

Ni eng hian vitamin D a pe chhuak a, chu chu taksa hriselna atan a pawimawh hle. Vitamin D hian immune system a tichak a, chu chuan taksa tan chakna a pe a ni. 

Zing ni chhuak tir lam leh tlai lam ni eng taksa tana  athat ang bawk hian chhuna ni sa pawh hi taksa hriselna atan a tha tih mithiamte chuan an sawi. Mahse nisa do nasat lutuk erawh taksa tan a tha lo tih an tarlang bawk.