May 17, 2022; Mizoram Board of School Education (MBSE) chuan vawiin chhun dar 12 khan High School Leaving Certificate (HSLC) Examination 2022 result a tichhuak a, zirlai exam 17,417 zinga 12,304 an pass a, pass percentage chu 70.64 niin, top - 10 ah mi 17 an lang a, chung zing a mi 14 te chu Mizo an ni.

Kumin HSLC Examination-ah hian exam hmachhawn zirlai 17,417 an awm a, regular student 17,237 leh private-a exam mi 180 an ni a, regular-a exam zingah 12,212 (70.85%) pass in, private candidate 180 zinga 92 (51.11%) an pass. Zirlai pass 12,304 -te chu hmeichhia 6,391 (69.54%) leh mipa 5,913 (71.88%) an ni. Exam hmachhawn ah hmeichhia 9,191 an awm a, mipa 8,226 an awm.

Zirlai 1,437 chu distinction-ah an pass a, distinction a pass hi nikum 2021 khan zirlai 2,904 awmin, 2020 ah 851, 2019-ah 1,177 leh 2018 ah zirlai 1,068 an awm. First division-ah zirlai 3,716 awmin, nikum 2021 5,218 an awm a, second division-ah 4,309 passin, nikum 2021 ah 4,863 an pass a, third division-ah zirlai 2,842 pass in, nikum 2021 ah 1,862 in an pass.

Compartmental chance nei zirlai 185 an awm a, zirlai 4,928 te chu an fail a, nikum 2021 ah fail 2,856 awmin, 2020 ah 5,552 an awm. Kumin HSLC-ah hian top 10-ah mi 17 an lang a, subject mala full mark hmu science-ah mi 3 an awm a, mathematics a mark 99 hmu mi 10 leh social science a mark 99 hmu mi pahnih an awm.

Zirlai exam pass vekna sikul 98 awmin, nikum 2021 khan sikul 175 a awm a, kumin ah pass awm miah lohna sikul 15 awmin, nikum 2021 khan pass awm miah lohna sikul 7 a awm.

HSLC result tihchhuah ah hian top 10 a lang mi 17 zinga 14 te chu Mizo niin, chung zinga mi 10 te chu hmeichhia an ni a, midang 4 te chu mipa an ni.

HSLC Examination 2022 Top 10

Rank    Hming        School        Mark
1.    Dinsawmkimi    St. Joseph HSS    484
    Lalramdina Ralte    St Puls HSS    484

2.    R. Lalremngheti    St. Pauls HSS    481

3.    MD Aatif Nazir    St. Pauls HSS    480

4.     Ayushman Bharadwaz    Mt. Carmel, Azl    476
    Lalkroshlui    Hermon, Azl    476

5.    PC. Lalremruati    Mt. Carmel, Azl    475
    C. Zomuanpuii    St. Joseph HSS    475

6.    Lalramzawnsangi    St. Joseph HSS    474
    K. Vansangpuii    St. Pauls HSS    474
    V. Vanlalhmangaihzuali St. Pauls HSS    474

7.    Iftiar Alom        Mt. Carmel, Azl    473

8    C. Zorammuana    St. Joseph HSS    472
    Saihlupuii        St. Pauls HSS    472
    Steffanie Rinchhani Sailo St. Pauls HSS    472

9.    Lalremruata Ralte    St. Pauls HSS    471

10    Vanlalmuansanga    Holy Cross, Thuampui    470