May 31, 2022; Mizoram Board of School Education (MBSE) chuan vawiin chhun dar 12 khan Higher Secondary School Leaving Certificate (HSSLC) Examination 2022 result a tichhuak a, zirlai exam 11,908 zinga 9,773 an pass a, pass percentage chu 82.07 niin, nikum percentage 87.80 aiin, 5.73% in a hniam zawk. 

Kumin HSSLC Examination-ah hian exam hmachhawntu zirlai 11,784-te chu regular student leh private candidate 124 an ni a, regular-a exam zingah 9,692 (82.25%) pass in, private candidate zinga 81 (65.32%) an pass. Pass zawng zawng zirlai 9,773 zingah hmeichhia tam zawkin, 5,174 an ni a, 4,599 chu mipa an ni.

Zirlai pass 9,773 zinga 821 chu distinction ah an pass a, nikum ah mi 1,078 in an pass. Fist division ah 4,058 (nikum ah 4,560), second division ah 3,559 (nikum ah 3,605), third division ah 1,335 (nikum ah 846) an pass. Compartmental chance nei zirlai 67 (nikum ah 143) an awm a, zirlai 2,068 (nikum ah 2,551) an fail thung.

Zirlai pass vekna sikul Arts ah 56 (nikum ah 69), Science ah 6 (nikum ah 6), Commerce ah 3 (nikum ah 10) a awm. Hetihlai hian Arts, Commerce leh Science ah hian fail vekna sikul a awm lo.

Arts stream bikah zirlai exam 9,007 (nikumah 8,622 ) zinga 7,586(84,22%) an pass a, nikumah 7,520 (77.90%) an pass. Mi 1,363 (nikum ah 980) an fail a, compartmental chance nei 58 an awm. Distinction-ah mi 620 (nikumah 792 ), first division-ah 2,724 (nikumah 3,011 ), second division-ah 2,965 (nikumah 2,917) leh third division-ah 1,277 (nikumah 800) an pass.

Science-ah zirlai exam 2,212 (nikumah 2,299) zinga 1,667 (75.36% an pass a, nikumah 2,052  (89.26%) an pass thung a; zirlai 537 (nikumah 230) fail-in, compartmental chance nei mi 8 (nikum ah mi 17) an awm. Distinction-ah mi 137 (nikumah 211), first division-ah 1,128 (nikumah 1,311 ), second division-ah 388 (nikumah 507 ) leh third division-ah 14 (nikumah 23) an pass a ni.

Commerce-ah zirlai 689 (nikumah 570) zinga 520 (75.47%) an pass a, zirlai 168 (nikum ah 49) an fail a, nikum pass percentage chu 90.70% a ni. Distinction-ah zirlai 64 (nikumah 75), first division-ah 206 (nikumah 238), second division-ah 206 (nikumah 181) leh third division-ah 44 (nikumah 23) an pass.

HSSLC Examinations 2022-ah hian Arts stream-ah sorkar sikulah 74.49%, deficit school-ah 85.82%, aided school-ah 86.47%, lumpsum school-ah 88.74% leh private school-ah 90.32% an pass a; private candidate zinga 65.77% an pass bawk.

Science-ah chuan sorkar sikulah 62.05%, deficit school-ah 81.90%, aided school-ah 85.71% leh private school-ah 77.61% an pass a; private candidate zinga 66.67% an pass. Commerce-ah chuan sorkar sikulah 61.27%, deficit school-ah 76.11%, private school-ah 84.87% an pass a ni.