Aizawl May 21, 2024 : HSSLC Arts-ah Linden Lalremruatpuia s/o Lalrindika, Oikos Higher Secondary School chu pakhatna a ni a, Linden-a hian Mark 471 hmuin Distiction-ah a pass a ni. Pahnihna chu Vungneihkim Khuptong d/o K Gingsuanmang, Maout Carmel School a ni a, mark 468 a hmu a, pathumna pawh Mount Carmel School tho niin Rody Lalrotluangi d/o Rochanhlua hian mark 458 a hmu a ni.

Top 10-ah Mount Carmel hian zirlai 5 an thawh a, position 2, 3, 6 leh 9-ah te an hauh a, parukna hi pahnih an awm a ni. Synod HSS top 10-a pang pathum an nei a, palina pahnih awmin, sawmna an nei bawk. Oikos HSS hian pakhatna bakah pasarihna an hauh. Govt. Mizo HSS in pariatna leh pakuna an hauh a, St Joseph HSS (9), Springfield HSS (7) leh Don Bosco HSS (5) te chuan zirlai pakhat theuh an thawh ve bawk.

Arts-ah bik hian Zirlai 8467 in exam an hmachhawn a, heng zinga 125 te hi private vandidate an ni. Heng zinga 4409 te hi hmeichhia niin an tam zawk a, pass hi 6749 an ni a, heng zinga 3530 te hi hmeichhia an ni. Distiction a pass 483 an awm a, hmeichhia chu pass tam zawk niin 292 an awm. pass percentage hi 79.71% a ni.