Aizawl May 21, 2024 : MBSE-in HSSLC result vawiina a tihchhuah Commerce bikah School pathumin top 10 an luah a, school dang an lang lo.

Commerce-ah hian David Lalhminghlua s/o Paul Zakhuma, St Paul's HSS chu pakhatna niin, Amram Laihnei Hlychho s/o Joel Laichi Hlychho, St Joseph HSS chu pahnihna niin Vansangkimi d/o Lalthawmliana, Oikos Higher Secondary School chu pathumna a ni.

Commerce Top 10-ah hian mi 12 an lang a, Oikos HSS chuan zirlai pangnga thawhin pathumna bakah hian 5,6,8,9 leh 10 na te an hauh a, St Pauls hian pakhatna bakah pasarihna leh pariatna an hauh a, St Joseph HSS hian zirlai pathum thawh ve bawkin pahnihna bakah palina leh sawmna an hauh.

Private School chu Commerce-ah hian candidate ngah ber niin zirlai 208 ten exam am hmachhawn a, 95.19% an pass a. Sawrkar sikul ten zirlai 203 an nei a, 62.56% an pass a, Deficit School ten zirlai 127 an nei a 85% an pass. Private candidate candidate pathum an awm a, pass an awm lo. Aided School zirlai 5 zingah pahnih an pass a, Lumpsum School atanga candidate pathum zingah pahnih an pass ve bawk.