Aizawl May 21, 2024 : Vawiina HSSLC result chhuaka Science Subject bikah St Pauls HSS chuan top 5 an luah a, St Joseph HSS pakhat a lang ve bawk. Lalramdina Ralte s/o Lalthakima, St Paul's HSS chu pakhatna a ni.

Science top 10-ah hian mi 11 an lang a, heng zinga pakua te hi St. Pauls HSS an ni a, anni hian position 1,2,3,5,5,6,7,9 leh 10 na dinhmun an hauh, St. Joseph HSS chuan pangna an nhauh a, Mount Carmel chuan pariatna an hauh ve bawk.

Science-ah hian Exam hmachhawn 2808 an awm a, distiction 103 an awm a, 1st-a pass 1198 awmin 706 chu 2nd-ah an pass a, 3rd-ah mi 34 an pass bawk. Pass percentage hi 72.69 % a ni.

Science bikah hian Deficit School chu zirlai pass % tha ber ber niin 83.31% an pass a, Sawrkar sikul atangin zirlai 604 exam an awm a, 67.72% an pass, Private school atangin zirlai 1479 awmin candidate ngah ber an ni a, 72.89% an pass a, private candidate 20 zingah pahnih an pass ve bawk. Aided School atangin 46% an pass a, Lumpsum School te pass percentage chu 22.58% a ni.