Aizawl: Higher & Technical Education Minister Dr. R. Lalthangliana chuan Zirtawp tlai khan Lunglei Govt. College leh Govt. J. Buana College te a tlawh.
Lunglei Govt. College a tlawhnaah thu sawiin Dr. R. Lalthangliana chuan, "Chhimlam hi zirna ah kan sang thin a, tunhnai ah hian kan tlahniam a, Mizoram hi literacy ah sang hle mahila ataka thiamna kan nei lo hi a pawi hle a ni," a ti a. Tunlai technology leh Education mila zirtirna pe thei tura inbuatsaiha in-update turin zirtirtute a chah a, building leh hmasawnna ruhrelte tha lo mah se he College atang hian Mizoram chhunga mi langsar chherchhuak tura tan la turin a chah bawk.
Dr. R. Lalthangliana hian Lunglei Govt. College a tlawh hnu hian Govt. J. Buana College tlawh leh in mit ngeia college dinhmun hriat a duh thu sawi a, zirtirtu te chu tunlai Technology leh Education mila zirtirna tha pe thei tura in update turin a chah bawk.