April 14, 2022; Aizawl - Thenzawl - Lunglei road (State Highway), Hualngohmun khawhnuai kawng leimin thin chu siamthat hnathawh mek niin, siam zawh a nih hunah chuan motor kawngpui metre 7 a zau a ni tawh dawn.

ZALEN thudawn danin, helai hmun siam hna hi Mizoram PWD in an thawk a, phase I ah retaining wall siam tur niin, April 5, 2022 atang khan thawh tan a ni. Siam zawh a nih hunah a hnuai motor kawngpui chu metre 7 a zau a ni dawn a, metre 6 chin cement concretre a ni ang a, side drain siam a ni bawk ang.

Tun a an khawih chin hi kawnghlui, leiin a rawn bawh chin a nih vangin mimal ram a ni lo, niin PWD lam chuan an sawi. Chung lei te chu paihfai thawhkhat tawh a ni a, zawhfel hun tur erawh hriat theih a la ni mai lo thung. Helai hmun ah hian zan lamah truck veivak an tam vangte leh fimkhur taka thawh ngai a nih vangin zan lama thawh theih a ni lo nia thudawn a ni. Tlan phal loh chhung hian Hualngohmun khawchhung lamah lirthei te hi tlantir an ni bawk thin a ni.

Kawng siam mek a nih vang hian Aizawl District Sr. SP C. Lalruaia chuan he kawngpui zawhtu, lirtheia veivakte hriattur thupek a ti chhuak tawh a, chuta tarlan a nih dan :-

Kawng khar hun

6:00AM - 9:00AM

10:00AM - 1:00 PM

2:00 PM -  5:00PM

Kawng hawn hun

9:00AM - 10:00AM

1:00PM - 2:00PM

5:00PM - 6:00AM