Cuba khawpui, Havana-ah Hurricane Agatha chambangin ruah tam tak a thlen avanga tui lianah mi pahnih an thi.

Cuban weather service chuan ruah hi Inrinni chawhnu thlenga sur turin an sawi lawk a, hmun thenkhatah chuan cm 20 vel a sur dawn niin an sawi lawk a ni.

An ram khawthlang leh a laili, Havana pawh huamin, a tuar na an ni.

Hurricane Agatha hian Thawhtanni khan Mexico a nuai tawh a, mi pakua lai an thi.

Havana-ah hian mi 2,000 dawn chu an chenna in atangin hmun himah lak chhuah an ni a, mi 50,000 vel zetin electric an nei lo bawk.

Cuban News Agency chuan tawm hulna tur, evacuation centre eng emaw zat siam a nih thu a tar lang.

Hurricane Agatha-in Mexico khawthlang vaukam a nuai lai kha an ramin May thlaa hurricane a tawrh nat ber a ni.

Hmarchhak lam pan zelin United States-a Florida state-ah pawh ruah tam tak thlen tura rin lawk a ni.