August 15, 2023; India sawrkarin a ramchhung, Manipur a Zohnahthlak te tawrhna a ngaihsak lo nia a hriat avangin, Social Activist Ruatfela Nu, Chaltlang chuan vawiin Independence Day Ni hian a chenna In ah flag dum a zar.

Hemi chungchangah hian ZALEN zawhna chhangin a thil tih chu India duh lohna leh dodalna lam a ni lo tih sawiin, "Heti khawp hian a ram bial a mite ngaihsak loin an awm a, a ram bung leh a ram bial a mite tawrhnate pawh hairder in a awm a, hmarchhak mite hi India Union ah min ngai ta lo em ni tih rilru atanga flag dum hi zar ka ni," Ruatfela Nu chuan a ti.

Facebook lama ama account ah pawh hemi chungchang hi tarlangin, 'Vawiin August ni 15, 2023 hian khua a duai, khaw duai ang angin ka thinlung pawh a duai, Manipura kan mihring puite tawrhna India ram rorelna in sanga thute thlen tir a nih avangin India flag zar hi zahthlak ka ti a.  Ram bunga roreltu tha lote rorel, ram biala cheng ten an tawrh phahna rapthlak tak tuar puiin puan dum ka zar a nih hi,' tiin a tarlang bawk.