DOWNLOAD OUR APP

Read latest news on your phone
app-store

I kal chak thin nge i kal muang, i kawng kal danah i mizia a lang

Jun 17, 2022

Kawng i kal a, i kal chak leh kal muan dan khan eng nungchang leh mizia nge i put tih mithiamte chuan an lo chhut chhuak leh dim diam tawh. Kawngpuia i kalin i kal chak thin nge, muangchangin i kal thin tih ilo inchik ve ngai em? Kal muan thiam miahlo nge i nih, kal hne-hne thin? I kawng kal thin dan atangin i mizia han bihchiang ve chhin dawn teh le.

Kawng i kal a, i kal chak leh kal muan dan khan eng nungchang leh mizia nge i put tih mithiamte chuan an lo chhut chhuak leh dim diam tawh. Kawngpuia i kalin i kal chak thin nge, muangchangin i kal thin tih ilo inchik ve ngai em? Kal muan thiam miahlo nge i nih, kal hne-hne thin? Zirbing mite chuan kan kal muan leh chak dan atangin kan mizia leh nungchang bakah kan personality thlengin an hre theih tlat a nih chu.  

Tun tumah hian kal muang leh kal chak thin te mizia leh rilru put hmang nia an sawi kan thlur bing ang. Pathian min siam danah hian mi tupawh mai hi kan danglam vek a, kan mut duh dan te, kan mit rawng te leh kan phone chelh dan thlengin kan mize lailang theitu an lo ni reng mai. Chik taka mithiam ten an chhut a an zirchhuah hi nangmahah a thleng dik ve em tih lo infiah ve chhin rawh. 

Kawng kala an mize hriat dan zirchiangtu hi German rama piang psychologist Werner Wolff a ni a, kum tam tak chhung zirchianna hi a kalpui a ni. 

Kal chak (Fast Walker)
Kawng kala kal muang thiam lo kal vut vut thin mi i nih chuan mi taima tak leh rual pawl thiam tak i ni tih a entir. Hmanhmawh vang ni lem lo va, kawngpuia kal chak bik thinte mizia tlangpui chu thil thar tih duh mi an ni a, thian ngaina leh rual pawl thiam, mi cheng-vawng leh thil tih kawnga thahnemngai thei tak an ni thin. Kal muang ngai lo te hi sumdawnna kawngah pawh mi hriam ve tak an ni duh a, risk pawh an la huai tlangpui. 

Nula te kha, i ngaihzawng nen kawng in kal duna, kal rualpui hleihtheih loh khawpa kal chak a nih chuan a care tawk loh vang cheah lunghnur mai lo la, mipa innghahna tlak lu zo ve tawk bialpa i nei tih hria la, chhuah chi loh tih hriat a kar a tha maithei. 

Kal muang (Slow Walker)
Kawng kal muang chi i nih chuan mi fimkhur tak i ni tihna a ni thung. Kal muan leh pen zimte hian thenrual kawm an ngaina lutuk lo va, mahni inngaihtuah nasa mi an ni tlangpui bawk. Kawng kal muang te hi mahni hmasial leh mahni in dah hmasa thin an ni tlangpui thin bawk. An thil tihah midang nena thawh hona lam aiin mahnia hmalak mai pawh hreh lo an ni duh tlangpui. 

Hetianga kal muang thin mi hian mahni company an enkawl chuan an lungawiin an thla a muang thei hle a, tla chhe leh ta pawh an awm fo niin an sawi. Muang changa kal thinte hi mi harvang tak an ni lo tlangpui bawk niin zir mite chuan an sawi. 

Share now