Nimin zing dar 3:30 vel khan Aizawl Venglai a H. Ramtiama In, Assam Type chhawng 4 chu a chim a, mihring thi leh hliam an awm lova; bungrua erawh a chhe vek a ni. In chim hian a thlanga Saithangpuii In chu a delh chhe bawk a, vanneihthlak takin thi leh hliam an awm lo hlauh.In chim chhan hi lungrem that loh vang nia hriat a ni a, a hmun hi a awih a, lungrem hi a khi nasa a, a awn zel a, a chim ta mai niin an sawi. Nimin khan Aizawl Venglai khawtlang chuan chhiat tawkte bungrua senghawi hna an thawk a, vawiin lamah pawh bungraw senghawi hna hi thawh chhunzawm leh a ni ang.