India-a a hmasa ber atan 5G network-a thlun zawm ambulance chu Inrinni khan tihchhuah a ni ta.

He ambulance-ah hian damlo enkawl hmanhmawh zual ngai chu damdawi in pan chhung pawhin damdawi ina hmanrua ang chiaha enkawlna pek nghal theih a ni dawn a ni.

Apollo Hospitals-in ambulance changtlung zawk hi Kolkata-ah a pho chhuak a, khawpui dangah pawh an inzar pharh zel dawn tih an sawi a. Hei hian inenkawlna leh mihring nun chhannaah thui  tak a nghawng dawn tih an sawi.

A chhung duan chawp, 5G-connected ambulance hi damdawi hmanraw tharlam ber bera thuam a ni a, patient monitoring application leh telemetry device awmin damlo dinhmun chu damdawi in hnenah hriattir nghal zel theih a ni dawn a. Camera dah niin hemi hmang hian a hmunpuia awmte tan pawh an dinhmun hriat leh enkawlna kawngah a pui thei dawn a ni.