United States-a thil hlui vawn thatna hmun hriat hlawh tak, Metropolitan Museum of Art chuan sculpture 15 lai India hnenah a pe kir dawn a, heng thil hlute hi India atanga a ruka lak chhuah, Subhash Kapoor-a’n a ruka a hralh a ni.

Ningania Met-in thuchhuah an siamah India sorkar hnenah an kir leh dawn thu an sawi a. Heng thilte hi kum BC zabi khatna leh AD zabi 11-na inkara mi tawhte an ni a. An zingah hian terracotta, darsen leh lung te pawh a tel.

Thil hlute hi tuna India-a lung in tang mek, Kapoor-a’n a ruk leh a hralh vek an ni.

Museum hian Kapoor-a hi India-ah pawikhawihin lung in hial tantir a nih hnuah leh Indian thuneituten a hnuhma an chhhui zelna dawrin a bungrua an leisakte chu India sorkar ta a ni tih hriat a ni a. Homeland Security nen tangin kum 2015-a Kapoor-a hnen atanga bungrua an leite chu an chhui let ve a, dan lova a lo neih ngei a ni tih hriat chhuah niin India-ah kir leh turin ruahmanna siam a ni ta a ni.