India-ah hian sorkar chuan Covid-19 laka invenna damdawi atan damdawi pahnih - Oxford-AstraZeneca (Covishield) leh Indian firm Bharat Biotech-in a siam (Covaxin) a hmang mek.

Damdawi pathumna atan Russian siam, Sputnik V chu an pawm tawh bawk a, a dose khatna atana pek chhuah tur hi nimin khan a rawn thlen beisei a ni a; mahse, engzat nge Russia atanga thawn luh a ni dawn tih chu a chiang lo.

India-ah hian invenna lak hi mahni duhthlanna a ni a. Sorkarin a enkawl clinic damdawi inah chuan a thlawna lak mai theih a ni a, mi mal damdawi inah erawh dose khat zel Rs. 250-a lak a ngai.

Sorkar laipui chuan a enkawl damdawi in, state sorkar enkawl leh vantlang damdawi ina a thlawna invenna damdawi pe tur hian $ tluklehdingawn nga zet sum a seng ral tawh.

Nimin atanga puitling chin hnena pek tan turah erawh sorkar laipui hian a man zahve chauh a tum tawh dawn.