Sony camera ngainatute tan thu lawmawm a awm leh ta - α6700 mirrorless chu India-ah tlangzarh a ni ta. Sony camera te hi a body a lian lo hlawm hle a, tun tuma an tlangzarh Sony α6700 pawh hi gram 493 chauh a ni! A LCD monitor hi inches 3 niin, touch support anih bakah electronic viewfinder a awm bawk. 

Sony α6700 hi 26 mega pixel Exmor R CMOS sensor niin, BIONZ XR processing engine a hmang. A dynamic range pawh 14+ stop a ni a, AI scene recognition leh S-Cinetone picture a ni cheu bawk. Sony company thatna an sawi thin chu video a ni a, mi tam takin an than chhan pawh a ni. Sony α6700 hi 4K video, 120fps a ni a, S-Log a awm tel cheu a, stereo mic leh monaural speaker beilh tel a ni leh zel hi a thatna chu a ni.  

India-ah chuan Sony α6700 hi a body Rs. 1,36,990 man a ni a, 16-50mm len nen Rs. 1,47,490 in lei theih. Hetih lai hian 18-135mm zoom len nen chuan Rs. 1,72,990 in lei theih a ni. November 20 tang khan India ram hmun hrang hrangah lei theiha chhawpchhhuah a ni a, online-in a chah theih bawk.