ZALEN August 22, 2023 : All India Congress Committee (AICC) hruaitu engemaw zat te chuan vawiin khan Mizoram an lo thleng a, MPCC Office Bearer te nen inkawm hona hun an hmang a, he huna thusawitu Union Home Minister hlui, AICC (i/c Mizoram) Bhakta Charan Das chuan I.N.D.I.A pawl din a nih chhan chu India ram puma Sakhaw Zalenna duh vang a nih thu a sawi. 

Shri Bhakta Charan Das chuan, "Kum 2024 India ram puma MP Election kan hmachhawn hun atan Congress Party leh a thawhpui te'n Hindu lalram din tumtu BJP sawrkar paihthla ngei turin I.N.D.I.A tih pawl kan din a. India ram puma 'Sakhaw Zalenna' duh vâng a ni," a ti. BJP te'n India ram hmun hrang hrangah Hindu lalram a pian theihna atan hma an la mek a. A bik takin North-east lamah hma an rawn la nasa a, Mizoram pawh a tuar mai thei dinhmuna ding (target) zinga mi a ni, a ti. 

Shri Bhakta Charan Das chuan, Mizoramah Congress Party hmalaknaa sakhaw zalenna duhtu pawl Mizoram Secular Alliance (MSA) din a ni chu lawmawm a tih thu sawiin, "ram leh hnam chhanna tak tak sakhaw zalenna ngaihtuahtu Congress Party leh a thawhpuite hi lo Vote tling ngei turin Mizoram mipui a sawm.

All India Congress Committee (AICC) Kohhran hruaitute leh NGO hruaitute kawm an tum a, August 26, 2023 (Inrinni)-ah Delhi an leh leh ang.