India-in Pakistan PM a chhang ; ‘Inbiakin tangkaina a nei rih lo’
Pakistan-in a hmelma lian ber pakhat, India nena inbiak a inpeih thu a sawi hnu lawkah New Delhi chuan inbiakna chu tun dinhmunah chuan thil tangkai a nih rih loh thu a sawi.

Pakistan-in a hmelma lian ber pakhat, India nena inbiak a inpeih thu a sawi hnu lawkah New Delhi chuan inbiakna chu tun dinhmunah chuan thil tangkai a nih rih loh thu a sawi.
“India dinna chu a ngaiin a chiang reng a. Pakistan nen hian inthenawm pangngai niia boruak pangngai, firfiakna, innghirnghona leh tharum tel lo a duh ber a ni,” tiin Indian foreign ministry thupuangtu, Arindam Bagchi chuan Ningani khan a sawi a ni.
Kar tir lamah khan Pakistan Prime Minister Shehbaz Sharif chuan India nena thil sawiho a duh thu leh a bikin ‘Kashmir chungchang’ chu sawi a that thu a sawi a. Himalaya tlangdunga awm hmun hi nuclear ralthuam nei ram pahnih hian kum 1947-a an inthen atang khan an la inchuh ngar ngar a ni.
Asia chhim lam ram pahnih inhal takte hi vawi thum indo tawhin vawi hnih hi Kashmir thu leh hla vang a ni.
Al Arabiya news channel-in an kawmna, Thawhlehnia an tihchhuahah Sharif chuan India hnenah hian a thu neih ang angte hrilh a duh thu a sawi a, chumi tur chuan ram hnih duh dan a ngaih thu a sawi.
“Indian hruaitu, Prime Minister Narendra Modi hnena ka chah duh chu dawhkan kilin khunkhan taka inbiak ka duh tih hi a ni a, a bikin Kashmir chungchanga kan inrem lohnate hi sawiho a tha,” a ti.
Pakistani hruaitu hian United Arab Emirates a tlawhnaa a sawi a ni a, anni ram hi ram pahnih inhriat thiam lohna laiah remna siam tura tangkai an nih theih tur thu a sawi bawk.
India leh Pakistan inkar hi kum 2019-a Modi-a kaihhruai Hindu nationalist sorkarin danpui hmanga Kashmir inhung bikna, Article 370 a hlip atang khan a chhe zual hle.
New Delhi chuan Islamabad sorkar hi India-in a awp chin Kashmir-a India tibuai tura hel puiah a puh a. Islamabad erawh chuan hei hi nasa takin a pha thung.
February 2021 khan ram pahnihte hian an inrina, km 725-a thui, Line of Control-ah kum 20 zet inkahhai an puan tawh chu an chhunzawm thar leh a; mahse, India-in Kashmir chungchanga thutlukna a siam hnuah inbiakna erawh an la nei leh lo.
Latest News
-
Police-in lie detector report zirchianna ngaichang mek
2m | Jan 29, 2023 -
February 8-ah Dy. Speaker thlang dawn
1m | Jan 29, 2023 -
CM leh G20 Chief Coordinator Harsh Vardhan ten G20 thlen dan tur sawi
2m | Jan 29, 2023 -
Airtel leh Reliance Jio ten 5G pek thuai an tum
2m | Jan 29, 2023 -
Thalaite hi kan ram leh hnam hmalam hun neitute in ni -Rindika
1m | Jan 29, 2023 -
India-in Ladakh-ah China nena nasa zawka inep ring
3m | Jan 29, 2023