Ram hrang hrang tlawh kual hi hnam changkang zawk te chuan an uar hle a, Mizo zingah pawh kan uar chho thar hlein a hriat. Indian tana senso sang si lova ram danga chawlh emaw honeymoon hmanna langsar te chu. 

Thailand
Return flight man: 18k atanga intan

India ram atanga ram hla lote a nih vangin sumdawng te chuan an tlawh fo thin a, thlawhna chuan man senso a hniam a, i budget mil tawk tur duh thlan tur cheng 18000 vel atanga intan a awm. An nunphung leh hnam zia te, kan neih ve loh beache te, kan ei ngai loh chaw tuihnai tak tak te, thliarkar hmun nuam tak tak i hriat reng tur vacation hmanna nuam lutuk a ni. 

Adventure leh nawm chen ngaina mi i nih chuan Thailand hi tlawh ngei chi a ni a, khual zin mite tan mamawh zawng zawng a phuhruk sak thei vek. 

Nepal
Return flight man: 11k atanga intan

He kan ram thenawm mawi tak mai hi senso sang lo taka holiday hmang duh tana thlan chi tak a ni. Eng thlaah pawh Nepal ram hi chu tlawh manhla tak a ni reng awm e. Nepal ram larna ber pakhat chu an Himalaya tlang hi a ni a, tlang sang tak tak in tlar put vurin a bawh chu hmuh tur a awm reng. 

Heng bakah hian an thil siam mawl tak tak chu man man taka lei tur a awm a, an thil tam tak hi China lam atanga an lakluh a ni bawk. Tin, hriat reng tur chu India ram tana zinna senso tlemna ber a ni. 

Philippines
Return flight cost: 37k atanga intan

Philippines ram hian buh hmun leilet zawl zau mawi tak bakah beache nuam tak tak an nei a, tlangkang tur inmungna hmun  graffiti wall an tih mai chu khualzin te hip khawmtu pakhat a ni. He hmun hi mang ram ang maia nuam niin lawng lenga chuanna tur a awm bakah bike leh cycle khalhna hmun nuam a ni.  A ticket man hi a san deuh vangin advance deuhin ticket la lawk la, a man a tlawm thei deuh ang. 

Dubai
Return flight cost: 22k atanga intan

Dubai kal tur khuan senso sang hle turah i lo ngai maithei. Mahse, i rin aiin senso a hautak miah lo a nia. Mi hausa te nuam tawlna hotel a thlen kher pawh a ngai chuang lo, i pawisa neih mil tawka khawsakna pawh a awm a nia. Dhubai-ah hian architectural mawi leh hlu tak tak, mall lian leh ropui tak tak a awm a, public transport hmangin awlsam takin a kal kual zung zung theih bawk. 

Singapore
Return flight cost: 23k atanga intan

Ram thianghlim leh nuam, mi tam takin an tlawh thin Singapore hi an beach te, an hmun hma leh an nungcha te hian khawvel hmun hrang hrang a mite a hip khawm tam em em a ni. An shopping mall leh street food tui tak te khi tlawh chhan tling a ni. A ram hi lian lo mahse a thianghlimin a nuam a khualzin ang leh honeymoon hman nana duhthusam a a ni. 

Heng bakah hian hmun nuam leh tlawh manhla tak tak Vietnam, Bangladesh, Maldives, Egypt te bakah Malaysia te pawh hi kal leh haw thlawhna chuan man cheng 40000 an pel lo vek a ni.