ZALEN August 17, 2023 : Vawiin khan India ram pawna Mizo hnathawka awm, manganna tawk mekte hruai haw an nih theih nan, BJP Mizoram State Spokesperson Lalremsangi Fanai kaihhruaina in, harsatna tawk chhungten SP Aizawl-ah leh SP CID ah FIR thehluh a ni.

India ram pawna hnathawk tur Mizo Thalaite tirh chhuah harsatna hrang hrang tawk ten Bharatya Janata Party Mizoram hotute hnenah puih theihna kawng dap pui tura an ngen angin hma an la a, BJP Spokesperson Lalremsangi Fanai kaihhruaina hnuaiah he Mission hi kalpuiin, Union Home Ministry, Embassy, Consulate, External Affairs Ministry te leh Mizoram Sorkar Official te an be tawh a, a tul angin Mizoram State Police hnenah First Information Report (FIR) an thehluh a, Private Employment Agency - Placement Agency te chhuichhuak a, tute nge dan bawhchhia tih hriat hmasak a tul an ti a ni.

BJP Mizoram chuan harsatna tawkte mi engemawzat tanpuiin India ram leh ram pawn atangin an lo hruai haw tawh thin, an ti. Harsatna tawk leh an chhungte pawh lungngai lo turin BJP Mizoram chuan an chah bawk a ni.