Aizawl May 24, 2023: Tun dinhmunah Mizoram chu India ramah Mizoram Forensic Laboratory chu a tak taka Lehkha tello (Paperless) Forensic Report kalpui hmasa ber leh awm chhun a ni dawn ta.

Mizoram Sawrkar, Home Department thuchhuah in a tarlan danin Mizoram Forensic Science Laboratory chuan June 1, 2023 atanga tanin a tak takin lehkha tel lovin (Paperless) Forensic Report an kalpui tawh dawn. 

Hetianga hma la tur leh a taka kalpui tur hian Sorkar Laipui chuan National e-Governance Plan hnuaiah Inter-Operable Criminal Justice System (ICIS) siamin State sawrkar te a nawr tawh thin. Kum 2022 May thla atang khan Mizoram FSL chu hetianga kal tur hian a inpeih tawh a ni.