DOWNLOAD OUR APP

Read latest news on your phone
app-store
India rama Suzuki two wheeler hotupain Mizote rawtna a ngaithla
Nov 28, 2023

Suzuki Motorcycle India Private Limited (SMIPL) Managing Director Kenichi Umeda chuan Mizoram a tlawh a, Thawhlehni chawhnuah Lengpui thlawhtheihna tumhmun a thleng.


Mizorama a zin hmasak berah Umeda hian LBS Suzuki buatsaih Sihhmui atanga Bawngkawn thleng Access BS6-in petrol a hman dan inelna, Mileage Contest, ‘A Joyful Christmas Ride with Suzuki’ chhimin a vai liam nghal a ni.


Khawvel hmun hrang hrangah kum 27 chuang Suzuki sumdawnna huanga tawn hriat nei tawh, Umeda hian kumin April atangin SMIPL Managing Director nihna a chelh a, India ram mai bakah ram dang thlenga huang zauh thei turin an beisei.


India ramah Suzuki motorcyle zuar chhuaktu, dealer 550 an awm a, chung zingah chuan Mizoram dealer, LBS Suzuki chu tun kum li vel chhunga hralh tam pahnihna a ni chho char char.


Mizoram bikah tun kum nga, kum ruk chhungin LBS Suzuki hi two-wheeler hralh tam ber a ni bawk a, chawhrualin thla tin Mizorama two-wheeler hralh chhuah atanga 50% chuang chu Suzuki a ni.


Mizoten Suzuki two-wheeler an ngainat avangin Japanese Umeda chuan Mizorama kal ngei a duh phah a. Bawngkawn South Cultural Hall-ah a pualin inkhawm buatsaih a ni.


Aizawla a lo kal chhan pawimawh, an lirthei leitute zawhna chhangin hma an sawn zelna tura duh dan leh rawtna an neihte a ngaithla a, tihhlawhtlin a tum tih a sawi.


India rama Suzuki motorcycle sumdawnna hotupa ber hian Mizoram a tlawh rualin khawtlang hmasawn nan engnge an company-in tih theih an neih ve tih hriat a tum tel a. Access Mileage Contest-a tithate hnenah lawmman a sem nghal a ni.


November 29, 2014 khan LBS Suzuki-in Mizoramah lirthei an hralh chhuak tan a, scooter chi thum - Access, Burgman leh Avenis bakah motorcycle Gixxer chi hrang hrang, V-Strom leh Suzuki bike lian leh man to an zuar mek.


Kum kaw chhunga Mizoram two-wheeler sumdawnnaa hma an sawn dan leh an hnathawh dan avangin Umeda a lawm a, an kal zelna turah duhsakna a hlan.


LBS Suzuki Principal Director H Ngurdingliana Ngurte chuan 2003 khan second-hand bike pahnih vel zuarin sumdawnna bul an tan tih a sawi a, “Kum 20 kal ta ka ngaihtuahin ka hnuk a ulh hial a ni.


“Pathian kaihhruainain LBS Suzuki-in tun dinhmun hi kan thleng thei. Thil pakhat tihfuh bik kan neih vang ni lovin kawng hrang hranga hma kan lakna rah chhuah a ni a. Thawktute thawh rimna leh min dawrtute duhsakna vang a ni,” a ti.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh