Mizoram Snooker & Billiards Association (MSBA)-in Indian National 9 Ball Pool Championship 2023 khelh meka Mizoram aiawha a tirh zinga mi, Lalrina Renthlei chuan semifinal a lut.

Madhya Pradesh-a inelna kal mekah hian Tuikhuahtlang tlangval, Lalrina hian quarterfinal-ah Shahbas Adil Khan, Petroleum chu 9 - 5 frame-a hnehin semi final a lut ni.

Semi final hi Inrinni chawhma dar 11:00 hian khelh a ni ang.

September 1, 2023 atanga khelh tan championship-ah hian Mizoram aiawhin MSBA chuan Lalrina bakah PB Liansangzuala, Dawrpui, Aizawl leh Laltlansanga, Lunglei te a tir a ni.

Inelna hi Indore khawpuia Daly College-ah nghah a ni a. September 15-a zawh tura ruahman a ni.

Lalrina hi snooker bakah basketball-ah pawh Mizo zinga player hriat hlawh tak a ni bawk.