Indonesia parliament chuan an ram mipuite zawm tur dan a zam thar a, nupa ni lo tan mut dun a thiang tawh dawn lo! Hei hian sawi zui a hlawh nasa hle a, democracy ram lian pathumna chet dan hi tha ti leh ti lo eng emaw zat an awm a ni. 

Indonesia-ah hian Muslim sakhaw zuitu an pung chak hle a, hei vang hian sawrkar pawhin loh theih lohin dan thar a siam ta niin mi tam tak chuan an ngai a ni. Hmun thenkhatah dondalna kalpui ni mah se an ram mipui tam takin an thlawp ve tho bawk.  

Dan thar hi hman a nih hunah chuan nupa ni si loa mipat hmeichhiatna hmang hriat chhuahte chu hrem zel an ni tawh dawn a, a hrem dan tur erawh chiang taka tarlan a ni lo. Hetiang dan hi khawvel hmun dangah hriat tur a van em avangin an dan siam thar hian ngaihven a hlawh zual a, dodaltute chuan mihring dikna chanvo rahbehna a nih thu an tlangaupui nasa hle. 

Indonesia hi khualzin ten an tlawh nasat ram niin, an dan thar hian nghawng thui tak a neih mithiamte chuan an ring a ni. Mipat hmeichhiatna lamah dan khauh zawk an siam tak avang hian khualzin pawh an tlem phah mai theih thu an tarlang. An ram khawpui Jakarta-ah chuan dan thar duh lohna lantirin mipui thahnem tak an pungkhawm a, he dan hi Court-ah an khinglet dawn nia tarlan a ni.