External Affairs Minister S Jaishankar chuan Inrinni khan Heliopolis Commonwealth War Grave Cemetery tlawhin Indopui I-na hun laia Egypt leh Palestine-a Indian sipai thite zahna a hlan.

Jaishankar hian Egyptian Foreign Minister Sameh Hassan Shoukry-a sawmna pawmin ni hnih cham turin Egypt a tlawh mek.

“Indian-te hian an mihringpuite tan khawvel pumah inpekna an nei a. Heng mite inpekna hian khawvel pum hi nuam leh inzahtawn taka a awm theih nana siam turin chona min pe a ni,” tiin Jaishankar hian Twitter-ah a tar lang a, thlanmual atlawhna thlalakte a pho lang bawk.

Heliopolis War Cemetery an tih hian Heliopolis (Port Tewfik) Memorial leh Heliopolis (Aden) Memorial a huam.