August 25, 2023; Mizoram a bikin Aizawlah Pathianni inkhawm hunbi a danglam chho mek a, kohhran hrang hrang hunbi hman inang lo a awm nual tawh.

ZALEN thudawn danin, Pathianni tih loh zan lam a kohhran inkhawm pangngai chu a la inang tlangpui a, hetihlai hian tualchhung kohhran thenkhat (kohhran lian lo zawk) Nilainizan inkhawm nei lo pawh an awm tawh.

A bikin Aizawl ah chuan Pathianni bik inkhawm hunbi hman inang lo an awm nual tawh a, kohhran lian leh member tam thenkhat te chuan zing/chawhma inkhawm dar 11 a tan a, chawhnu inkhawm dar 2 a tan te pawh an awm.

Kohhran thenkhat chawhma dar 10:30 a tan pawh an awm nual tawh bawk a, hetihlai hian a tam zawkte erawh chuan tun hma atanga hunbi hman tlanglawn chawhma dar 10 ah inkhawm an la tan tlangpui thung.