DOWNLOAD OUR APP

Read latest news on your phone
app-store
Innei rei lo leh mai mai : Mo lawm laia a pasalin a 'muah' vangin inneih titawp!
Dec 01, 2022

Uttar Pradesh-a Sambhal khuaah thil dangdai tak a thleng a, nupa tuak tharte chu an inneih lawmna hun an hman zawh hma hmain an inthen! Inneih ceremony a zo tawh a, a lawmna erawh a la tawp lo - mo lawmtu mi 300 vel hmaah a pasal hian a nupui thar hi a 'muah' pek a ni awm a, a nupui hi a tlan chhuak nghal daih! 

He thil hi November 29, 2022 Thawhlehni zana thleng kha niin, hmeichhia hi kum 23 mi a ni a, a pasal hi kum 26 mi a ni thung. Inneih lawmpui tur hian mi 300 vel an pungkhawm a, mo leh mo neitute hian dawh sanah thi (garland) an inhlan tawn - hetia an din dun lai hian mopa zawk hian a nupui thar hi a lo kiss hman hmawh pek a ni awm e.

Monu hi rang takin a tlan chhuak nghal a, police hnenah a zualko zui. An pahnih hian police Thana-ah koh an ni a, thil thlen dan hi zawh chian an ni. A hmeichhia zawk chuan a pasal hian stage-a an awm lai hian mawi lo taka a khawih thu leh, chumi hnuah pawh a beisei loh tawp thil thlengin mipui hmuh laiin a pasal hian a fawp zui tih a sawi. A chunga thil thleng chuan a barakhaih thu leh a rilru a nat thu a sawi a, "Ka zawhaw mna a tibawrhbang a ni, a kiangah hian ka awm thei lo ang," tiin, a pasal hi zui haw a tum loh thu a sawi. 

Hmeichhe nu pawh a tawng chhuak a, an makpa tur chu a thianten an fuihpawrh thu leh a fanu chuan a pasal hi zui a duh loh thu a sawi ve bawk. Mopa hi a thiante nen an in 'bet' nia tarlan a ni a, hnehna chan a duh avangin a nupui thar lakah hian he tiang hian a che ta mai niin an ngai a ni. 

Bahjoi station house officer (SHO) Pankaj Lavania chuan, "He thil thlen lai hian nupa tuak tharte hi dan angin an innei fel hman vek a, mahse mo hian a pasal kianga awm hi a duh lo a ni," tiin, hmeichhe thutlukna an ngaihchan tur thu a sawi. Mo hi thlem lungawi tum ngial mah se a pasal kiangah hian a awm duh lo a, nakin hnuah pawh a him lo dawn niin a inhria a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh