Combat sport lama hu ngah tak “Judo” Gene LeBell chu kum 89 mi niin a thi. LeBell hi, mixed martial art-a judo seng luttu niin UFC champion hlui Ronda Rousey-i mentor thin a ni bawk. 

LeBell hian lemchan leh professional wrestling a luhchilh chhungin mi ropui leh hmingthang tak tak Sugar Ray Robinson, Muhammad Ali, Bruce Lee leh Chuck Norris te nen thawk hovin training a pe thin. LeBell a boral thu hi an chhungkaw thin hnai ten nimin khan social media hmangin an puangzar a ni. 

Midang zirtir leh fuih phurtu tha tak LeBell hian 1959 khan judoka chawimawina sang a dawng tawh nghe nghe. 1963 khan boxer Milo Savage chu mixed-rules contest-ah a hneh a, kha an inbeihna kha MMA danin a pawmpui fighter dang nena an inbeihna hmasa ber niin an sawi. A upat deuh hnuah MMA judge a ni zui a, kum 2018 thleng khan a thawk a ni. 

LeBell thlahna leh an ui thu infiammi lar thahnem takin social media lamah an sawi hlawm a ni.