Aizawl July 22, 2024 : July 20 -22, 2024 chhunga Pragati Maidan, New Delhi-a International Agriculture & Horti Expo, 2024 neihah Horticulture Department chuan lawmman pakhatna an dawng.

He expo-ah hian Horticulture Department chuan Mizoram chhunga thei leh thlai hrang hrang bakah thlai leh thei atanga thil siam chhuahte kengin an pho chhuak a, mipuiin an hlut hle a ni. Horticulture Department hi expo a tel ho zingah horticulture lam thil nei tha ber a thlan niin lawmman pakhatna an dawng a ni.

Prof. Lalnilawma, Horticulture Minister chuan State hrang hrang te'n stall an hawn te hi tlawhkualin Mizoram tana rawtna tha tak takte ngaithlain hun a hmang a. Minister hi Horticulture Department Secretary K. Lalrinzuali, IAS, Horticulture Director C.H Lalmuanpuia leh Officials dangte’n an tawiawm a ni.