Inthlanpui kum : Inthlan senso tur Rs. Vbc. 200
![](/storage/news/post/hT3rwqCV2YcTJFTKC0J00YuJrRyqoXZxJiqszOzd.jpg)
April 28, 2023; Inthlanpui kum a ni a, sawrkar lai MNF hi tlain sawrkar thar a piang thei a. An sawrkar chhunzawm thei bawk. Kumin a zawh phawt loh chuan chiang a awm thei dawn lo a, party leh MLA candidate nih tum ten theihtawp an chhuah mek tih chu chiang awmchhun a la ni.
State a rorel lai MLA 29 (Dr. K Beichhua telin) nei mek MNF party ten fiahna hautak Lunglei Municipal Council (LMC) leh Local Council bye-election leh MADC VC inthlan an hmachhawn zo chauh a, heng result ah te hian lawmna tur an nei tam lo! Chumi tichiang tur chuan nimin thleng khan CM hovin, Adviser rual leh GS rual ten thutkhawm pawimawh an la nei. Hemi hma pawh hian Hnam Run ah thukhawm pawimawh an nei zut niin a lang a, thu tam tak an relin, hmalakna tur tam tak an duang ang tih a rin theih.
MNF hian tan lak thar hle an tum tih a chiang a, chu chu tunhnai chho a thuchhuah an neih leh social media lam thlenga an worker te thu vawrhdarh dan ah pawh a chiang!
Tun dinhmun a boruak nei lian, tunhnai inthlan a che tha ZPM party (MLA 6 nei nia ngaih) pawhin tun hnai maiah khan bial fang a, ta neih deuh tur mi 35 an ruat a, candidate nghet erawh la ni lo mah se, an vil tlang mai a rinawm. Bial invil thuah tih te sawi rik a awm nawk a, candidate chang lo te an hmeh daih dan a zirin kang zel thei emaw, hniam thei emaw an ni. Chu chu tunhnai a an president thusawi atangin a chiang.
"Kan elpui party dang game-ah lut lo turin kan inbeisei tlat a ni, MLA seat 40 kan nei a, mi tha tak tak kan lo thathnem ve tak avangin kan vaiin seat hi kan changkim thei dawn lova, chhungkaw buaina a thlen lohna tura inveng turin ZPM mi leh sa zawng zawng kan insawm a ni. Lungawi lohna kan nei a nih palh pawhin Social Media- a ang mai lovin, nomination committee-in ruahmanna a siam pawm turin kan inchah mawlh mawh a ni," Lalliansawta, President, ZPM (April 24, 2023, ZPM office)
Congress sawi rik a piang a mi tam takte mit fuk nghalna chu Zodintluanga a ni. Mahse lungawilohna a neih vangin tun hnai mai khan MPCC treasurer a nihna atangin banna a thehlut a, chu chuan Mizoram congress boruak a tichiang. An president Lalsawta'n tun thleng hi chuan a la thawhchhuah pui lo niin a lang a, engtak ang zel dawn maw? MLA 5 nei mek an ni a, an hloh then dawn nge, an pun belh dawn? Tunhnai an result leh an party chhung boruak chu engpawhnise, thawhleh ngei tum party erawh an la ni reng!
Mizoram BJP lam hmalakna te, AAP lam inthlan chuh tur a an inbuatsaih mekna te pawh tam tak sawi tur a awm. Engpawhnise, kum 2018 inthlan dawn khan congress party kha an tlak theih rinna a lian teh vak lo a, NLUP-ah cheng nuai 1 an sem a, an minister te pawhin langsar taka sawiselna leh hming chhiatna an nei hranpa lem lo, mahse an tla chiang laileng bawk si.! Kumin ral phawt se engkim a chiang ang.!
Hetihlai hian Mizoram sawrkar chuan kumin 2023 chhunga Mizoram State General Assembly election November, 2023-a lo awm tur atan cheng vbc. 200 budget ah a ruahman fel tawh a, chu chu a tul dan anga pek chhuah tur a ni.
Inthlanpui kum a ni a, tun dinhmunah chuan party lian zual pathum-ah 'neuh neuh' a awm (rih) vek niin a lang? Party chhung boruak 'neuh neuh' nei hi mipui (neutral) te vote chak an nih loh avangin, inchinfel hunlai tak a nih hmel e.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024