Khawvelah smartphone tha tak tak duh thlan tur a tam tawh a, chutih rual chuan company tha te kut chhuak nge nge hralh a la kal ber mai. Report atanga a lan dan chuan kumin January atanga April inkar chhung khan iPhone 13 ringawt hi US Dollar tluklehdingawn 42 ($42 billion) man zet hralh chhuah a ni hem mai!

Company ang chuan Apple leh Samsung te an langsar a, top 5-a lang te hi an kutchhuak vek an ni. iPhone 13 hralh a kal ber a,  iPhone 13 Pro Max chuan a dawt. Samsungin pathumna leh palina an hauh a, pangana erawh Apple kutchhuak a ni leh thung. 

Heng smartphone te hi engzat nge an hralhchhuah tarlan a ni lo a, a hralhna atanga an sum hmuh chauh tarlan a ni. Quarter khat chhunga iPhone 13 hralhna belhkhawm ringawt hi India pawisa chuan cheng vaibelchhe 5,56,393 (Rs. 5,56,393 crore) vel zet a ni a, iPhone hralhchhuah zawng zawng man belhkhawm atanga 84% lai a tling phak bawk. 

Samsung siam Galaxy A12 leh Galaxy A32 te chu khawvela smartphone hralh chhuah hnem zingah hian an tel a, January-April inkara an hralhchhuah man zat belhkhawm hi US Dollar tluklehdingawn 3.6 ($3.6 billion)  lai a tling phak bawk.