Khawvela smartphone ngaihhlut ber chu Apple smartphone te hi a ni awm e, a man pawh company dang ai chuan a sang vah zel. iPhone hum pha chin chu kan dah sangin neih ve pawh kan chak thin - hetih lai hian footballer ropui Lionel Messi chuan World Cup-a Argentina squad a mi te chu iPhone 14 a present vek dawn!

Argentina hi World Cup khelh zawh takah khan phu takin an champion a, an captain chu Messi hi a ni. Messi hi footballer piang tawh zinga ropui berah mi tam tak chuan an chhal a, a hnialtute tan chhan erawh World Cup nomawi a chawi lo tih kha a ni thin. Mahse tunah chuan captain ni chungin an ram Argentina chu football khawvea trophy hlu ber a hlawh chhuahpui tawh a, amah pawh a lawm tih hai rual a ni lo. 

Messi hian lawmthu sawi nan squad-a awm zawng zawng mi 35 te chu gold iPhone 14 a pe vek dawn a, a sum sen tur hi India pawisa chuan cheng vaibelchhe 1.73 zet a ni. iPhone 14 hi India-ah chuan nikum September thla khan tlangzarh a ni a, Rs. 70,000 man vel a ni.