Aizawl : Mizoram Industry Owners Association OB thukhawm chuan AMC-a property Tax pek chungchang April 19, 2020 zan khan an sawi ho a, tax chu an pek tur a nih hre tho mah se, pek hma a dan hremi rawn leh phawt tha an tih thu an rel. ISPAT a hnamdang hmun khuar kum 99 atana ram allotment an pek te hamthatna ang dawn ve an duh bawk.

Mizoram Industry Owners Association chuan, Hun rei tak a tang a an lo nawr tawh hnamdang Company,  ISPAT hnen a sorkar in kum 99 allotment  a pek ang hian a ram leilung fa te hi min pek ve thei nan  tun ai a chak zawk a nawr ni se an ti. 

AMC in property  Tax lak tur a an hmalaknaah Industrial Area chhunga Industry neitu ten hriatthiam loh an neih avangin ngun zawk a zirchhian nise an ti a. Sorkar ah Allotment  fee tam tak kum tin min chawi tir hnuah AMC ah Property Tax pek leh chu tih tur a ni em tih an ngaihtuah a, Dan hre mi te rawn phawt ni se an ti.

Industry neitute chuan, "State  dang ah pawh Industrial  Area ah property Tax hi an chawi lo niin kan hria a, sorkar ah kan thu hi thlen nise kan ti. Kan members te pawh MIOA in thu chiang a hriat  hma chu property Tax hi lo la pe rih lo tur in kan in ngen," an ti bawk