DOWNLOAD OUR APP

Read latest news on your phone
app-store

Israel prime minister thar Yair Lapid 

Jul 01, 2022

Kum 58 mi journalist hlui Yair Lapid chu Israel interim prime minister atan lakluh a ni a, Israel prime minister 14-na chiah a ni. Yair Lapid hian PM Naftali Bennett a thlak a, Bennett hi November thleng alternate prime minister a ni ve leh thung ang. 

Kum 58 mi journalist hlui Yair Lapid chu Israel interim prime minister atan lakluh a ni a, Israel prime minister 14-na chiah a ni. Yair Lapid hian PM Naftali Bennett a thlak a, Bennett hi November thleng alternate prime minister a ni ve leh thung ang. 

Israel-ah hian tangrual sawrkar a ding a, Naftali Bennett chu prime minister a ni. Mahse kar liam ta khan a kaihhruai sawrkar hi thiah a ni a, alternate prime minister Yair Lapid chu PM atan hian lakluh a ni ve leh ta a ni. Bennett hian Ningani khan Yair Lapid kutah hian thuneihna a hlan a, July 1, 2022 atangin Yair Lapid hian thuneihna a chang ve leh ta a ni. 

Israel-ah hian  sawrkar ngelnghet a ding thei meuh lo a, November thla hian kum li chhunga a vawi nga nan inthlanpui an hmachhawn leh ang. Yair Lapid hian a kaihhruai centrist party chu November 1-a inthlanpui an hmachhawn turah a kaihruai dawn a, hnehna an chang zo lo a nih chuan lal thuthleng a kal san ve leh a ngai dawn a ni. 

Hetih lai hian prime minister hlui Benjamin Netanyahu pawhin thawm a rawn nei nghal a, theuneihna an chan leh tur thu a sawi. April 2019 khan Benjamin-a kaihhruai sawrkar thiah a ni a, hemi hnu hian inthlan buatsaih mah se party mala sawrkarna siam thei an awm lo. 

Share now