Italy-a Marmolada glacier tawlhah mi pasarihin nunna an chan a, thi zat hi a la pung chho mai thei. Emergency official te chuan hliam tuar mi pariat an awm thu leh dinhmun ngaihtuahawm taka ding mek mi pahnih an awm tih an sawi bawk. 

Vur tawlhna hmun hi rescue team te chuan helicopter hmangin an pan nghal a, mahse khaw awm danin a zir loh avangin duh angin chhanchhuah hna an thawk chak thei lo - mi 13 chin hriat lohin an awm mek. Italy Prime Minister Mario Draghi chuan he vanduaina thleng hi sik leh sa danglam chak lutuk vanga thleng a nih thu a sawi. 

Thi zinga mi pali te hi tute nge an nih hriat a ni tawh a, an zinga mi pathum te hi Italian niin mi pahnih chu mountain guide an ni nghe nghe. Vur tawlh hi tlang sang lai ber atanga intan a ni a, nunna chan leh hliam tuar pawh an tam phah a ni. Marmolada glacier-ah hian tun hnaiah sik leh sa a danglam nasa hle tih tarlan a ni a, khaw lum zawng pawh 10C a kai chho a, hei vang hian vur tlang lian tak takte chu a tawlh ta a ni.