Aizawl May 2, 2023 : Brahmaputra Board High Powered Review Meeting chu nimin khan Guwahati-ah neih a ni a, Mizoram Irrigation & water Resources Minister C. Lalrinsanga chuan tuihna kang zel tur venna, Springshed management project chu Mizoram tan chhunzawm zel theihna turin Union Minister of Jal Shakti a ngen. Mizoram PHED-in award pathum an dawn chu a rawn dawn sak bawk.

Irrigation & Water Resources Minister chuan, Mizoram tana project pawimawh tak tak thlen te approve a nih avanga lawmthu a sawi bakah tuihna kang zel tur venna, Springshed management project leh tuilianin kan agriculture ram tha a tih chhiat zel venna atana project tam zawk hmalak mamawhna awmte Mizoram tana kuttthlak a nih zel theihna turin Union Minister hnenah hian ngen ngawl takin a thlen.

Ministry of Jal Shakti in National award an siam, Mizoram PHED-in a dawn - Mamit district-in “Fastest moving Aspirational District” ram pum huapa lawmman pakhatna (1st) leh October 1, 2022 to March 31, 2023 chhunga 'Best Performing Aspirational district' ram pum huapa lawmman pahnihna (2nd) bakah, General category ah Kolasib'in “Best performing district in High achievers” (1st Oct 2022 to 31st March 2023) chhunga pathumna (3rd) lawmman te chu Minister hian dawnna a nei nghal bawk.

Brahmaputra Board High Powered Review Meeting Radisson Blu, Guwahati-ah Union Minister of Jal Shakti Gajendra Singh Shekhawat kaihhruaina hnuaiah neih a ni a, Kailash Choudhary, Hon’ble Union Minister of State (Agriculture and Farmers Welfare) bakah India rama hmarchhak state hrang hrang atangin Board member te an tel a, Mizoram aiawhin C. Lalrinsanga, Irrigation & Water Resources Minister a tel.

High Powered Review Board-ah hian Er. Lalrotluanga, C.E., IWRD, Er. Anup Chhetry, C.E., PHED leh Er. L. Malsawma Hauhnar, Sr. EE IWRD ten Minister hi an tawiawm a ni.