Japan Prime Minister hlui Shinzo Abe chu Nara-a political campaign a neih laiin silaia kah a ni a, damdawiin panpui nghal a ni. A dinhmun hi a tha lo hle a, a nunna chhan tumin theihtawp an chhuah mek tih Japanese prime minister Fumio Kishida chuan a sawi.

Abe hian tukin zing lam khan Nara-ah hian kawtthlerah thu a sawi a, a thusawi lai hi mi tuh tih hriat loh chuan silaiin vawi hnih a kap a, a hnu hnung zawk hian a hnung zangah a fuh a ni. Silai muin a den fuh hnu hian a tlu nghal a, thisen pawh a chhuak nual. Hospital hnai ber panpui nghal a ni a, a nunna chhan tumin theihtawp an chhuah mek. 

Japanese prime minister Fumio Kishida chuan press conference a ko nghal a, "Doctor ten an theihna zawng zawng an chhuah mek a, a dinhmun erawh a tha lo tak zet a ni. A tan ka rilru zawng zawngin ka tawngtai sak e," tiin thu a sawi a, a thusawi lai hian a mittui a tla hial. 

Security official te chuan silai hmet puaktu kum 41 mi chu man a nih tawh thu an sawi a, police custody-ah a awm mek thu an sawi.