Bollywood superstar Shah Rukh Khan channa 'Jawan' chuan box office-ah a chet that a chhunzawm zel a, ni 10 ral hmain vaibelchhe 700 zet a lalut der tawh! Shah Rukh Khan meuh chuan boruak a lo la nei lian hle tih a hriat a, record a siam chho mawlh mawlh a nih pawhin a mak lo ang. 

Jawan a hlawhtlin theihna phenna fak loh theih loh chu Indian film director lar Atlee hi a ni a, kum 36 mi chauh la ni mah se a record a namai lo hle. He film siam nana an budget hi vaibelchhe 300 zet a ni a, keini ang state rethei tan phei chuan itawm tham a tling! 

Jawan hian tlangzarh niin vaibelchhe 125 zet a lalut nghal a, ni li chhung chu a zawnin vaibelchhe 100 chuang a lalut thei hial. Ni 8 a liam meuh chuan khawvel hmun hrang hrang atangin veibelchhe 700 zet a lalut hem mai - Hollywood te nen khaikhin pawhin a duai bik lo hle. 

Sum tamna North America lamah pawh a che tha a, $mtd 9 lai a thawk chhuak der tawh. Global Box Office-ah pawh tluk loh pakhat 'The Nun II' chiah a nei a, weekend liam ta chhung khan $mtd 62.7 zet a lalut a ni.