Shah Rukh Khan channa 'Jawan' film chuan vaibelchhe 129 a lalut der tawh! Indian film director lar Atlee kutchhuak film hi Global Box Office-ah a che tha hle a, ni rei lo te chhungin heti zat hi a lalut hman a ni. 

Bollywood star - Shah Rukh Khan, Nayanthara leh Vijay Sethupathi te channa Jawan hi September 7, Ningani khan tlangzarh a ni a, tlangzarh nia sum lalut hnem record a siam hial nia tarlan a ni. India bakah hian - Australia, New Zealand, Germany leh UK-ahte theatre-ah tihchhuah a ni a, vaibelchhe 200 chuang a lakluh tawh rin a ni.  

Australian-ah hian Box Office-ah No. 1 a hauh nghal a, vaibelchhe 2.11 a lalut nghal. New Zealand-ah pawh No.1 hauhin, Germany-ah erawh No.3 a ni a, UK-ah pawh a che tha hle. India bikah chuan tlangzarh ni khan vaibelchhe 75  lalut nghal a ni. 
Jawan film siam nana an budget hi vaibelchhe 300 zet a ni a, an senso a san avang hian an sum lakluh hi tam viau angin lang mah se an hmabak a la ko ve hle tho a ni.