Pathianni liam ta May 7, 2023 chawhnu dar 1:20pm a boral Joseph Zaihmingthanga chuan lainattu a ngah hle a, ama puala hun buatsaihah ralna sum Rs. 29,25,784 zet a tling khawm. Heng pawisa tling khawmte hi a fapa pahnih tan dah a ni ang. 

Super Trio member Robert Lalduhzuala leh Vanlalsailova te chuan he hun hi an buatsaih a, musician leh zaithiam thenkhat ten an tawiawm. Joseph-a puala hun hman hi Robert Lalduhzuala YouTube channel-ah live a ni a, entu an thahnem hle. Live chhung hian mi sing hnih chuang entu an awm deuh reng a ni. 

Hemi zan bika sum lut hi Rs. 29,25,784 zet a ni a, a luh belh zel pawhin a rinawm.