Kuminah Mizo film eng emaw zat a chhuak tawh a, a chhuak mek zel bawk - chung zinga mipui nghahhlel ber pakhat chu 'Nukawki Pasal - Keimah Zabilha Tawngtai Damthei' hi a ni. He film hi 'Dengi I Love You' film siamtu B. Lalbiakvela (BV-a) kutchhuak a ni leh dawn a, July 1, 2022-ah Aizawl-ah release a ni ang - Lersia Play-ah a duh a piang en theih turin chhawpchhuah ani dawn bawk.  

Aizawl-ah aw...
'Nukawki Pasal - Keimah Zabilha Tawngtai Damthei' hi mipuiin an en chak a, release zana en theih chu mi tam tak duhthusam a ni. Hetiang a nih mek lai hian chanchin lawmawm hriat tur a awm - Aizawl-ah release a ni dawn! Tun hnai khan Mizo film thar 'Ka U Liana' chu Vanapa Hall-ah a duh a piang tan en theih turin release a ni a, Vaanapa Hall khat vekin mipui an pung khawm. 'Nukawki Pasal' release hunah hian a duh a piang en theih turin ticket an siam ve leh dawn em a la chiang lo.

Tlau Entertainment buatsaih Mizo Film Award-a Best Actress Rosangpuii Ralte leh 'Dengi I Love' film-a thiam taka a chan avanga Best Supporting Actor award dawngtu K. Vanlalawmpuia te channa film hi a hmuhnawm leh ngei dawn. He film hi lockdown laia an siam kha niin, a thawnthu pawh hi Covid-19 behchhana siam a ni. 

Tuna kan boruak tawn mek nena inmil tawh chiah lo te pawh a awm palh thei a, a hlutna erawh a zual sawt dawn - tun atanga kum 10 a vei leh meuh chuan a hlu zual tawh viau ang.