India ram four-wheeler hralh tam zingah Maruti Suzuki an chetha hle a, Maruti Suzuki WagonR chu hralh tam ber niin Baleno-in a dawt a, pathumnaah pawh Maruti Suzuki Swift tho a awm. Top 10 zingah Tata Nexon, Maruti Suzuki Dzire, Maruti Suzuki Eeco, Hyundai Creta, Hyundai Venue, Maruti Suzuki S-Presso leh Tata Punch te an lang.

Hralh that zual pathum te hi Maruti Suzuki vek niin chung te chu:

Maruti Suzuki WagonR | 22,588 | 
Maruti Suzuki WagonR chuan July 2022 chhung khan unit 22,588 hralhin hralh tam ber a ni leh a, WagonR hi June thla khan company hian unit 19,190 a hralh a, an hralh punna rate hi 17 percent laiin a thang a ni. A kum zawng a chhut chuan hralhna rate hi pun lam aiin an tla hniam zawk hret a, nikum 2021 July thla khan unit 22,836 hralh chhuakin 1 percent-in an tla hnim zawk a ni. 

Maruti Suzuki car zingah WagonR hralh kal chhan pakhat chu WagonR-ah hian 1-litre petrol maximum power 67 hp leh 1.2-litre maximum power 90 hp te a awm a, chu chu Maruti Suzuki Swift, Baleno leh Dzire te nen a engine hman a inan tlan vang a ni pakhat. 

Maruti Suzuki Baleno | 17,960 | 
Hralh tam ber pahnihna pawh hi Maruti Suzuki company tho Baleno a ni a, thla hmasa khan unit 17,960 an hralh chhuak. Nikum 2021 July nena khai-khinin kumin hian an hralh tha zawk a, unit 14,729 hralh chhuakin 22% a tling phak. A thla bi anga chhiar chhoh pawhin Baleno hi a sang zawngin a thang a, June 2022 khan unit 16,103 hralh chhuakin 11 percent a tling phak. 

June thla khan Baleno hi hralh tam ber pathumna a hauh. Baleno hralh a tlak tharna chhan pakhat chu a hmel landan thar hi a sporty tak vang a ni deuh ber awm e. Car chhung lamah pawh hian tlem khawih danglam awmin SmartPlay 9-inch bakah thil thar neuh neuh dah thar an nei bawk. Baleno single 1.2-litre petrol engine hi 90 hp power niin 113 Nm torque a pechhuak a, chhuak hmasa aiin 15 percent zetin fuel a heh lo bawk.  

Maruti Suzuki Swift | 17,539 | 
Thla hmasa khan pahnihnaah a awm a, tun thla hian Maruti Suzuki Swift hi unit 17,539 hralh chhuah niin pathumnaah a thla thla. A thla bi-a chhiar chuan Swift hralhna hi 8 percent-in a pung thung a, June thla khan unit 16,213 an hralh chhuak a ni. A kum ang zawnga chhut chuan 5 percent ngawtin an tla hniam thung a, nikum June thla khan unit 18,434 an hralh chhuak phak a ni. 

Swift hi Maruti Suzuki siam chhuah zingah chuan hralh that pawl tak a ni chho reng a, car hralh that top-five ah a lang phak ve deuh reng. Maruti Suzuki Swift powered hi single 1.2-litre petrol engine chauh niin maximum power 88.5 hp @ 6,000 rpm leh 113 Nm peak torque @ 4,400 rpm pechhuak thei a ni. A transmission hi manual leh automatic a awm a, nikum khan a chhung leh pawn lamah khawih danglam an nei ve nual.