June 21; 2022; Aizawl Municipal Corporation (AMC) mayor Lalrinenga Sailo chuan, central sawrkar hmalakna leh thupek angin, July ni 1, 2022 atangin plastic hman nawn loh chi (Single Use Plastic/SUP) AMC area ah khap a nih dawn thu sawiin, dan phalloh 50 micron aia pan plastic bag kg 5,540 chuang man a nih tawh thu a sawi.

SUP hman tawh lohna office atan a AMC office puanna inkhawm vawiin a neihah mayor chuan, plastic chu tunlai khawvel ah mitin in nitin a kan mamawh a nih rualin, kan environment tichhe thei thil a nih avangin central sawrkar chuan Plastic Waste Management Rules, 2016 – hmangin khapna thupek a chhuah tih a sawi a, hemi denchhen hian, AMC pawhin 50 micron aia pan plastic khapna thupek chu August ni 1, 2019 atangin a chhuah tih a sawi.

He thupek hi Plastic Waste Managment (Amendment) Rules, 2021 chuan tlem ti danglamin plastic bag 75 micron aia pan hman, kawl leh zawrh a khap leh tawh thu te, hemi bawhzui hian AMC chuan ni December ni 6, 2021 ah khapna thupek a chhuah thu leh, December ni 1, 2022 atangin 120 micron aia pan khap tura AMC a inpuahchah mek thute a sawi bawk.

Single Use Plastic (SUP) hi central sawrkar in July ni 1, 2022 atangin a khap tawh dawn tih sawi bawkin, mayor chuan, hemi vang hian AMC area chhungah Single Use Plastic (SUP) khap a nih tawh dawn thu a sawi.

Plastic Waste Management (Amendment) Rules, 2021 in July ni 1, 2022 atanga a khap turte chu:

1.    Earbuds with plastic sticks. 
2.    Plastic sticks for balloons. 
3.    Plastic flags. 
4.    Candy sticks. 
5.    Ice cream sticks. 
6.    Polystyrene (Thermocol) for Decoration. 
7.    Plates. 
8.    Cups. 
9.    Glasses. 
10.   Forks. 
11.   Spoons. 
12.   Knives. 
13.   Straws. 
14.   Trays. 
15.   Wrapping/packing films around sweet boxes. 
16.   Invitation Cards. 
17.   Cigarette packets. 
18.   Plastic/PVC banners less than 100 microns. 
19.   Stirrers. 

Heng dan phal loh thil kawl leh zuar lui te chu The Mizoram Municipalities Act, 2007 leh Plastic Waste Management Bye-Laws, 2019 hmanga hrem theih an ni ang.