Mizo YouTuber PC Hras chuan a vawi khat nan film a sual chhuak ve ta a, June 10, 2022 hian tihchhuah a ni ang. A film hming hi 'Saki' tih a ni a, a story a dangdai viau dawn a nih hmel. Naktuk zan dar 10 atangin Lersia Play app-ah a duh a piang en theih tura chhawpchhuah a ni ang - PC Hras 'fan' te tan chuan a kut chhuak hi hmaih phal chi a ni lo ang! 

Saki-ah hian lemchan thiam ber berte an inlan dawn lem lo a, mi thar leh hmelthar kan hmu dawn. A trailer pawh tihchhuah tawh niin, a kalphung tur tlangpui chu a ngaihruat theih - a tui mi tan chuan en chakawm tur tak a ni ngei ang. Thalai lawm zawng 'sexy' deuh te pawh scence thenkhatah hmuh tur a awm dawn tih a trailer atangin a hriat theih.     

PC Hras hian YouTube lamah hming a chher viau tawh a, a film siam pawh hi en chak tak tak an kat nuk ang tih a rinawm. YouTube ang bawkin film industry lamah hming a chher leh thei dawn em tih chu hriat chakawm tak a ni, a kutchhuak hian mipui beisei a phak ang em tih chu hriatin a awm thuai dawn e.