Aizawl: June, 2023 chhung khan Civil Hospital, Aizawl Blood Bank-ah thisen unit 1,352 lak a ni a, camp vawi 29 neih a ni. 

Mizoramin remna a hmuh champha pualin June thla kha thisen pek uar thla atan hman a ni a, Civil Hospital, Aizawl Blood Bank thawkte hian camp vawi 29 neiin hemi atang hian thisen unit 886 an la a. Hei bakah hian blood bank-ah thisen unit 466 la bawkin a vaia June thla chhunga thisen lak hi unit 1,352 a tling a ni.

ZALEN zawhna chhangin Civil Hospital, Aizawl Blood Bank thawkte chuan thisen pek chu tam angin lang mah se mamawhna a san avang te, private damdawi inten CHA hi an la tawm avang leh thisen a mamawh dan a inan loh avangin indaih tak tak a awm thei lo tih an sawi a. Thisen thenkhat chu nei tam deuh angin lang mah se thenkhatah chuan an indaih lo thei hle niin an sawi.

Private hospital-te hian thisen an lak hian a sawngbawlna manah  unit khat zelah Rs. 550/- an chawi ve thin a ni.