Aizawl July 7, 2024 : District Transport Office Aizawl hnuaia Enforcement Staff-te chuan June thla chhung khan lirthei dan bawhchhia 222 an man a, dan bawhchhia an hremna atana sum chawitir tlingkhawm hi Rs. 8,61,500 a ni.

Enforcement Staff-te hian June thla chhung khan lirthei 884 an endik a, lirthei dan bawhchhia an man zinga 42 chu an document mansak an ni a, a hmuna sum an chawi tur zat ang chawi tur nei lo emaw tlan tlang ang chite e-challan pek an ni.

June thla chhunga dan bawhchhia an man zingah bungraw phur lirtheite chi (Light Goods Vehicle) tam berin 72 a ni a, Maxicab-in dawtin 65 a ni a, bungraw phur lirthei 24 a awm a. Dan bawhchhia man zingah hian two wheeler taxi pakhat leh rental car pakhat awmin, a tlem ber an ni.